HRM саласындағы жаңа мамандық – мансап жөніндегі кеңесші
Еңбек нарығын, әсіресе жаһандық пандемиядан кейін, алдын ала болжау өте қиын. Кейбір мамандықтар өзектілігін жоғалтса, басқалары, керісінше, заманымызға бейімделіп жатыр, оған қоса мансап жөніндегі кеңесші тәрізді жаңа мамандықтар пайда болуда. Бұл мақалада біз осы мамандық туралы айтатын боламыз, еңбек нарығының тенденцияларымен танысып, Қазақстанда жұмыс табу үшін OLX хабарландыру қызметін қарауды ұсынамыз.
Бұл не?
Мансап жөніндегі кеңесші – адамдарға лайықты жұмыс табуға, лауазымда көтерілуге және табысты мансап құруға көмектесетін адам. Бұл еңбек нарығында сұранысқа ие болу үшін, мансаптық мақсаттарға жету үшін қандай дағдылар мен қасиеттерді дамыту керектігін айтатын коуч. Мұндай маман ұзақ уақыт бойы жұмыс таба алмай жүрген, қызмет саласын өзгертуге батылы жетпей жүргендер, мансап сатысымен көтеріле алмайтындарға немесе қазіргі қызметіне көңілі толмайтындарға қажет. Дегенмен, мансап жөніндегі кеңесші сізге жұмысқа орналасуға кепілдік бермейді және барлық жұмыс орындарына сәйкес келетін түйіндеменің сиқырлы формуласын біле бермейді. Бұл маман иесі қай бағытта кәсіби даму керектігін айтады.
Жұмыс туралы
Мансап бойынша кеңес алу сіздің қалауларыңыз бен сұраныстарыңызға байланысты түрленеді:
- «коуч-сессия» – кеңесші жалпы ұсыныстар мен өзінің тәжірибесіне жүгініп, сіздің өзекті мәселеңізді шешуге немесе нақты сұрақтарға жауап беруге көмектесетін, бір рет қана өткізілетін кездесу. Түсінгеніңіздей, мансап бойынша кеңес беру мен коучинг өте тығыз байланысты;
- тұрақты кездесулер өткізіп, кәсіби біліктілікті талдау, түйіндеме жазу, бос жұмыс орындарын таңдап, үміткерді іс сұқбатына дайындауды қамтитын «толық сүйемелдеу»;
- «нәтижеге дейін жұмыс»: мансап жөніндегі кеңесші клиент армандаған жұмыс ұсынысын алғанға дейін – яғни, соңғы нәтижеге жеткенге дейін кездесулер өткізіп, қолдау көрсетеді.
Клиентпен жұмыс істеу кезінде мансап жөніндегі кеңесші өзіне келесідей міндеттер мен негізгі функцияларды қояды:
- Сауалнамалар, әртүрлі кәсіптік бағдарлау тестілері, жеке кездесулер арқылы клиент туралы ақпарат жинау, оның мықты және әлсіз жақтарын анықтау.
- Мансаптық даму жоспары мен іс-әрекет стратегиясын құру: сауатты түйіндеме, ілеспе хатты қалай жазу керек, қандай оқудан өту керек, сұқбатқа қалай дайындалу керек және т.б.
- Клиентке сай келетін жұмыс іздеу арналарын таңдау.
- Жұмыс іздеу кезінде көмектесу.
- Ұсыныстар жасау, алдағы 5-10 жылға мансаптық даму стратегиялары, мансап сатысымен жылжуға егжей-тегжейлі жоспар құру және т.б.
Бұл жұмыс кімге арналады?
Психологтар, жеке дамумен айналысатын коучтар, HR менеджерлері, рекрутерлер және осы саладағы басқа да мамандар болашағы бар, мансап жөніндегі кеңесшіге ауысуды жөн көреді. Бұл жұмыс жұмыспен қамту саласында тәжірибесі бар, еңбек нарығындағы тенденциялармен таныс, үміткерлерді іріктеу қалай жүретінін білетін, қызметкерлер ұжымы қалай қалыптасатынын және т.б. түсінетін адамдар үшін сай келеді. Мансап жөніндегі кеңесшілерді ұйымдардағы рекрутерлермен шатастырмаңыз. Мансап сарапшылары клиенттің мақсаттары мен жоспарларын ескереді, олардың негізгі мақсаты – мансап жоспарын құруға көмектесу, виза, көшу, құжаттарды рәсімдеу және т.б. тәрізді клиенттің барлық мәселелерімен айналысады. Рекрутерлер ұйымның қажеттіліктері мен мүдделерін қорғайды, олардың міндеті – бос орынға лайықты үміткерді табу.
Қалай мансап жөніндегі кеңесші болуға болады?
Ол үшін белгілі бір білім мен дағдылар қажет:
- өнімділікті бағалау, кәсіби жарамдылықты талдау, адамдардың мансаптық амбицияларын бағалау қабілеті;
- кәсіптік бағдарлауды тиімді жүргізу қабілеті: тесттер, сауалнамалар, сұқбаттар және т.б.;
- еңбек нарығындағы үрдістерді объективті бағалау;
- түйіндемені сауатты жазу және сұқбаттан сәтті өту қабілеті;
- жақсы қарым-қатынас дағдылары, эмпатияны дамыту.
Мансап жөніндегі кеңесшілердің ортасы және мамандықтың қиындықтары
Көбінесе мансап жөніндегі кеңесшілер жеке жұмыс істейді, оларды кадрлық агенттіктерде немесе кейбір кеңес беру фирмаларынан табуға болады. Олардың қызметіне жүгінбес бұрын жоғары біліміне, осы саладағы тәжірибесіне, жалпы жұмыс тәжірибесіне және т.б. көңіл аударыңыз. Кез келген мамандық сияқты, мансап жөніндегі кеңесші мамандығының да кемшіліктері бар. Мысалы, клиенттермен түсініспеушілік жиі болып тұрады. Көбісі бірнеше кездесуден кейін міндетті түрде жұмысқа тұрамын деп ойлайды. Басқалары болса мансап жөніндегі кеңесші барлық жұмыс орындарына сай келетін тамаша әрі әмбебап түйіндеме жасап береді деп ойлайды.
OLX сізге еңбек нарығын тұрақты түрде бақылап, талдауға кеңес береді. Соңғы трендтермен таныс болыңыз, жаңа дағдыларды меңгеруден сескенбеңіз және өзіңізді жаңа позицияларда сынап көріңіз!
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
Болашақ баланың жынысын тек ата-анасы ғана емес, жақын туыстары мен достары да…
Қазақстанның көпшілік тұрғындары киноны үлкен экраннан көруді жөн көреді. Қазір мұны кинотеатрға…
Жуынатын бөлмені жөндеу немесе үй салу кезінде Қазақстанның көпшілік тұрғындары душ кабинасының…
Қала сыртында тұрғын үйдің болуы - үйге алауошақ орнатудың тамаша себебі. Алауошақ…