Кандидат профилін толтыру неліктен маңызды?

Жақсы жұмыс ыстық бәліштер тәрізді тез тарап кетеді. Жұмыс іздеу кезінде көбіне бірнеше үміткермен бәсекелесуге тура келеді. Армандаған жұмысыңызды өткізіп алмай, корпоративтік ортада қалаған орынға қалай ие болуға болады? OLX хабарландыру қызметіндегі пайдалы кеңестердің көмегімен жұмысқа орналасу мүмкіндігіңізді арттырыңыз. Бізбен бірге бос жұмыс орындарын іздеп, жұмысқа тұрыңыз!

Бұл не?

Енді OLX сайтында түйіндеме жасау – оңай әрі жылдам! OLX кандидатының профилі – жұмыс іздеуді жылдам және тиімді ететін OLX сайтының арнайы бөлігі. Оның көмегімен жұмысқа орналасу мүмкіндігіңізді арттыруға болады. Бұл OLX хабарландырулар қызметіндегі дайын түйіндеме десек те болады, онда жеке мәліметтеріңізді, білім, жұмыс тәжірибеңіз, дағдыларыңыз және т.б. туралы ақпаратты көрсетуіңіз керек. Сондай-ақ «Жаңа жұмысыңыз» қойындысында әлеуетті жұмыс берушілерге өз қалауларыңыз туралы айта аласыз: жұмыс кестесі, жұмыс түрі, жалақы, лауазым, аймақ және т.б.

Түйіндеме профилі не береді?

OLX сіздің қалауларыңызға сай келетін жұмыс орындарын сізге жіберіп отырады. Ол үшін профиліңізді кем дегенде 75%-ға толтыру керек. OLX ұсыныстары автоматты түрде шығады, сондықтан армандаған жұмысымды өткізіп аламын деп уайымдамасаңыз да болады! 🙂

OLX сайтында профилді қалай жасауға болады?

1. Жеке OLX профиліңізге кіріңіз. Жоқ болса, тездетіп ашқаныңыз жөн 🙂
2. «Жұмыс іздеймін» қойындысын таңдап, «Үміткер профилін жасау» түймесін басыңыз.
3. Профильді толтырыңыз. Профильді барынша толтыру үшін ешқандай бөліктерді өткізіп жібермеуді ұсынамыз. Сіз туралы неғүрлым көбірек ақпарат жұмыс берушіге қолжетімді болса, жұмыс табу мүмкіндігі соғұрлым жоғары болады:

• өзіңіз туралы негізгі ақпарат;
• біліміңіз;
• кәсіби тәжірибе;
• дағдылар

.

OLX сайтындағы сапалы жазылған кандидат профилінің үлгісі

Бірнеше мамандардың негізінде сапалы жазылған кандидат профильдерін қарастырайық:

Басқарушы

– Жалпы ақпарат (жеке деректер);

– Білімі: мамандығы және жылы;

– Кәсіби тәжірибе:

1. «Стройгрупп» ЖШС сату бөлімінің менеджері (2010-2020 ж.)

Компанияның қызмет саласы: құрылыс материалдарын сату

Міндеттері: құрылыс материалдарын сату, жаңа тұтынушыларды табу, келіссөздер жүргізу, тапсырыстарды өңдеу, өтінімдерді жеткізушілерге арнап дайындау.

2. «Стройгрупп» ЖШС сату бөлімінің басшысы (2020-2022 ж.ж.) Компанияның қызмет саласы: құрылыс материалдарын сату

Міндеттері: сату бөлімін дамыту, басқару және ұйымдастыру, айлық/тоқсандық/жылдық сату көлемін орындау, процесті оңтайландыру, ынталандыру жүйесін әзірлеу және енгізу.

Дағдылар:

1. ДК, MS Office сенімді қолданушысы;
2. Шет тілдері: ағылшын және қытай тілдері;
3. Сату бөлімінің жұмысын үйлестіру және басқару;
4. Компанияның коммерциялық талдауын жүргізу;
5. «Белсенді сату және сатуды басқару», «Келіссөз жүргізу дағдылары», «Бөлім меңгерушісі» курс сертификаттары.

Қарапайым кеңсе қызметкері (офис менеджері)

– Жалпы ақпарат (жеке деректер);

– Білімі: мамандығы және жылы;

– Кәсіби тәжірибе:

1. «Стади» білім беру орталығының кеңсе менеджері (2019-2022 ж.ж.)

Міндеттері: келушілер мен клиенттерді қабылдау, хат-хабар, құжаттарды өңдеу, клиенттермен келісімшарт жасау, кеңсенің тәртібі мен жұмысын бақылау.

Дағдылар:

1. ДК, MS Office сенімді қолданушысы, кеңсе техникасын қолдану;
2. Қазақ және орыс тілдерін еркін меңгерген;
3. Түрлі құжаттармен жұмыс;
4. Офис бағдарламаларын, электрондық поштаны білу;
5. Ауызша және жазбаша сауатты сөйлеу, іскерлік этикетті білу.

«Көк жағалы» (қызметші) профиль үлгісі

– Жалпы ақпарат (жеке деректер);

– Білімі: мамандығы және жылы;

– Кәсіби тәжірибе:

1. Қызметші, “Бизнес” қонақ үйі (2015-2018 ж.)

Міндеттері: бөлмелерді жинау және дайындау, бөлмеде үстелді даярлау, қонақ үй кірлерін үтіктеу.

2. “Премиум’ қонақ үйінің бас қызметшісі (2019-2021)

Міндеттері: бөлме және қонақүйдің негізгі бөлмелерінің (конференц-зал, спорт залы, мәжіліс залдары және т.б.) жағдайын бақылау, қарамағындағы қызметкерлердің жұмысын ұйымдастыру, қонақтарға жол көрсету, құрал-жабдықтар мен жуғыш заттарды бақылау.

Дағдылар:

1. 3 тілді: қазақ, орыс және ағылшын тілдерін еркін меңгерген;
2. Тазалау, жуу, үтіктеу, гардероб жұмыстары, дастархан жаю;
3. Сауатты сөйлеу;
4. Эмоциялық тұрақтылық;
5. Жарқын жүзділік, сыпайылық;
6. Жұмысқа жауапкершілікпен қарау.

Жиі қайталанатын қателер

Әлеуетті жұмыс берушіні шеттетпеу үшін кандидаттың профилін толтыру кезінде қандай қателіктер жібермеген жөн? Ең бастысы сауатты, анық, ретімен және орынды жазу. Артық сөзден аулақ болыңыз, қатесіз, нақты жазыңыз. Жұмысқа қатысы жоқ хоббилеріңіз туралы жазбаған жөн. Сондай-ақ жеке қасиеттерден гөрі, өзіңіздің бірегей дағдыларыңыз бен білімдеріңізге назар аудартуға тырысыңыз.

Армандаған жұмыс орнынан ұсыныс алуыңызға тілектеспіз! Іске сәт! 🙂