Маусымдық жұмысқа қызметкерлерді қалай іздеу керек? 

Маусымдық жұмыс, яғни 1 жылдан аспайтын уақытша жұмыс. Бұл климаттық жағдайларға немесе басқа жағдайларға байланысты белгілі бір уақыт кезеңінде нарықта қажет болатын позицияларға қатысты. Кәсіпорындар үшін тұрақты штат ұстау қаржылық тұрғыдан ылғи тиімді бола бермейді, себебі белгілі уақытқа алу мүмкіндігі бар. Маусымдық жұмыстардың тізімі: егін жинау немесе қар жинау, экскурсия жетекшілері, суда құтқарушылар, балалар лагеріндегі тәрбиешілер және т.б. “Алматы қаласында уақытша жұмыс” сұранысы бойынша өзекті ақпаратты OLX хабарландырулар сервисінде алуға болады.

Маусымдық және уақытша  қызметкерлермен еңбек келісімшарты Қазақстан Республикасы Еңбек кодексініңі 206 бабы негізінде рәсімделеді. Маусымдық жұмыстарды орындауға келісімшарт жасасу шарттары, жұмыстардың орындалу мерзімі мен түрі құжатта қамтылуы тиіс. Маусымдық қызметкерді жұмысқа қабылдағанда сынақ мерзімі қолданылмайтынын есте сақтаңыз. Басқа тармақтары әдеттегі еңбек келісімшартынан ерекшеленбейді. Сондай-ақ лауазым, жұмыс уақыты, демалыс уақыты, жалақы мөлшері және тағысын тағы келісімшартта көрсетілуі қажет. Шет елде жұмыс істесеңіз келісімшарт рәсімдеу елге байланысты өзгеріп, ерекешеленеді.

Уақытша қызметкерлерді жалдаған кезде олардың ұжымға оңай үйренісіп, өз міндеттемелерін ауыртпалықсыз әрі уақытында орындау маңызды. Сондықтан мұндай қызметкерлерді іздестіру кезінде бейімділік, жоғары тиімділік және маусымдық жұмысқа орналасу тәжірибесі сияқты критейрилерге мән беру қажет. Уақытша қызметкерлермен сенімді әрі ұзақ мерзімді қарым-қатынастар орнатуға тырысыңыз, өйткені сіз оларды қажетті уақыт кезеңіне тұрақты негізде компанияға шақыра аласыз.

Маусымдық жұмысшылармен еңбек шартын бұзуға шектеулер Қазақстан Республикасы Еңбек кодексінің 54-бабында көзделген. Жұмыс беруші уақытша жұмыскермен еңбек қатынастарын келесі жағдайларда ғана тоқтатуға құқылы:

• компанияның қызметі екі аптадан астам өндірістік себептерге байланысты тоқтатылды;
• қызметкер еңбекке уақытша жарамсыздыққа байланысты бір ай қатарынан жұмыс орнына келмеді.

Қызметкерлер жұмыс берушімен еңбек шартын 7 күнтізбелік күн бұрын ескертіп, жазбаша бұза алады. Сол схемаға сәйкес жұмыс беруші маусымдық қызметкерлерді жұмыстан босату туралы хабарлайды, бірақ ұйымның қызметі тоқтатылған немесе штат қысқартылған жағдайда ғана. Заңға сәйкес, маусымдық жұмысшымен шартты бұзған кезде оларға пайдаланылмаған еңбек демалысы үшін өтемақы беріледі, оның мөлшері кәсіпорында жұмыс істеген уақытына сәйкес болуы тиіс. Сондай-ақ ұйымның қызметі тоқтатылған немесе штат қысқартылған жағдайда уақытша жұмысшыларға екі апталық жалақы мөлшерінде жәрдемақы беріледі.

Маусымдық жұмыс орындары еңбек нарығында сұранысқа ие, өйткені олар жақсы ақша табуға мүмкіндік береді. Маусымдық жұмысшыларды тарту үшін сіздің шарттарыңыз нарыққа жақын екеніне көз жеткізіңіз.