Қосымша жұмысты қалай табуға болады?
Әркімнің қосымша жұмыс іздеу себептері әртүрлі: біреуге қосымша қаражат қажет болса, біреулер біліктілігін немесе білімін арттыруды көздейді. Қалай болғанда да, олардың барлығы ізденіс үстінде, өкінішке қарай, қосымша жұмысты кез келген адам таба бермейді. Сондықтан, OLX сізге қосымша жұмысқа қалай сәтті тұруға болатындығы жайлы мақала дайындады.
Үміткер профилі: интернеттен қосымша жұмысты қалай табуға болады?
OLX хабарландыру қызметінде жұмыс табу мүмкіндігін арттыратын «Үміткер профилі» деген арнайы бөлім бар. «Үміткер профилі» бөліміне өтіңіз, өзіңіз жайлы мәліметтерді енгізіп, арманыңыздағы жұмысты сипаттап беріңіз: қандай жұмыс іздеп жүрсіз, жалақының қандай мөлшерде болғанын қалайсыз, кеңсенің орналасқан жерін және т.б., сосын біз сізге сәйкес келетін бос жұмыс орнын табуға көмектесеміз. Бұл бөлім әрқашан қасыңызда болатын дайын түйіндеме тәрізді, оны бір рет қана басу сізді көкейтесті жұмысыңызға жақындатады.
Қосымша жұмысты іздеу себебін анықтаңыз
Алдымен қосымша жұмыс сізге неліктен керек екенін шешіңіз. Сізге ең жарамды нұсқаны табу үшін іздеу себептерін түсінген жөн. Жұмысқа тұрудағы басты мақсатыңыз қандай? Көбірек табыс тапқыңыз келе ме? Әлде кәсіби желі құрғыңыз келе ме? Түйіндеме үшін жұмыс тәжірибесін арттыру керек пе? Егер, мысалы, жай ғана табысыңызды арттырғыңыз келсе, онда кез келген қосымша жұмысқа тұрсаңыз болады, сіз үшін негізгі критерий – жалақы мөлшері. Қосымша жұмыс арқылы тәжірибесін арттырғысы келетіндер тек өз мамандығы бойынша ізденгендері жөн.
Сондай-ақ келесі сұрақтарға жауап беріңіз: қосымша жұмыстың қандай түрі сізді қызықтырады, сіз қандай жұмыс кестесін қарастырасыз, қанша уақытқа созылады?
Негізгі жұмыспен жұмысты қатар алып жүру және студенттер/оқушылар үшін қосымша жұмыс
Қосымша жұмысқа сұраныс жоғары болғандықтан, осы нарықтағы бәсекелестік те сәйкесінше. Мүмкіндікті арттыру үшін түйіндеме жазуға жауапты қараған жөн. Өз тәжірибеңізді, білім мен жұмыс орнына қойылатын талаптарды бағалап шығыңыз.
Негізгі жұмысыңыз немесе оқуыңыз болса, уақыт мүмкіндіктеріңізді ескеріңіз. Жұмыс кестесі мен шарттары сізге сәйкес келетінін және негізгі іс-әрекетіңізге кедергі болмайтынына көз жеткізіңіз. Мысалы, таңғы сағат 9-дан кешкі 6-ға дейін негізгі жұмыс орнында болып, кешкі сағат 7-ден бастап қосымша жұмысқа кірісемін, барлық демалыс күндерімді соған арнаймын деп ойлайтындар қателеседі. Бұндай тығыз жұмыс кестесінен сіз тез шаршап, денсаулығыңызды құртасыз. Барынша тиімді жұмыс істеу үшін өзіңізге аптасына кемінде бір күн айырып, күшіңізді қалпына келтірген жөн. Жоспарлау кезінде демалуға және жеке өмірге уақыт бөлуді ұмытпаңыз. Негізгі жұмыс пен қосымша жұмыс арасындағы аралық жұмыс көлеміне және жұмыс уақытының ұзақтығына байланысты кемінде бірнеше сағат болуы керек.
Басшылықпен қарым-қатынасыңызға және әлеуетті мансаптық перспективаларға байланысты қосымша жұмыс туралы оларды хабардар ету мәселесін ойластырыңыз.
Қосымша жұмысты қалай табуға болады?
Интернет шексіз мүмкіндіктер ұсынады, соның ішіне қосымша жұмыс іздеу мүмкіндігі кіреді. OLX хабарландыру қызметінен түрлі бос жұмыс орындарын таба аласыз. Ол үшін OLX іздеу жүйесіне «қосымша жұмыс» сөздерін енгізіңіз, сүзгілерде «Жұмыс» санатын, жұмыс түрін – «Толық емес жұмыс күні» дегенді көрсетіңіз, өз қалауыңыз бойынша жұмыс кестесін таңдаңыз – «Толық күн», «Ауысым кестесі», «Икемді кесте» немесе сізді бәлкім «Вахталық әдіс» қызықтыратын шығар.
Ең бастысы, қырағы болыңыз және алаяқтық схемаларға алданып қалмаңыз. Алдын ала төлеуді талап ететін немесе талабы аз жұмыс үшін “алтын белестерді” уәде ететін жұмыстардан бас тартыңыз. Қосымша жұмыс іздеудегі негізгі қателіктерге адамның өз мүмкіндіктерін, күш-қуатын асыра бағалауы және нашар тайм-менеджмент жатады.
Қосымша жұмыс іздеу кезіндегі негізгі қателіктер:
- Әрекетсіздік. Түйіндемеңізді көп жерге жібердіңіз, бірақ ешкім хабарласпады ма? Онда әрекетке көшу керек, өйткені біз қалайтын жұмысқа ондаған кандидат үміттенуі мүмкін. Жұмыс берушілер белсенділерді ұнатады, өзіңізді көрсетіңіз. Жұмыс берушімен кері байланыс орнатыңыз, HR-менеджерге хабарласып, нәтижелердің қашан шығатынын сұраңыз, өзіңізді еске салыңыз.
- Жүйелік тәсіл. Қосымша жұмыс іздеудің өзі қосымша жұмысқа айналуы керек. Бұл үшін күніне белгілі бір уақыт бөліңіз. Көп күтпей, еңбегіңіздің жемісін көресіз.
- Интернет этикетін сақтамау. Файлды «менің түйіндемем», «менікі», «мен түйіндеме» деп атап, әлеуетті жұмыс берушіге жіберу дұрыс емес және этикаға жатпайды. Файлды өз атыңызбен атаңыз және өтініш берген жұмыстың атын қосыңыз. Ешқандай грамматикалық қателер жібермей, жылы, қарапайым қарым-қатынас құрыңыз.
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
OLX-те сіз браузеріңізде JavaScript өшірілген болуы мүмкін екенін хабарлайтын қатені көрген болуыңыз…
Смартфон енді адамға «тек байланыс үшін» функциясын ғана атқара алмайды. Бұл көңіл…
Егер сіз жаттығу залына бармасаңыз және жоспарыңызда арықтау болса, онда жаттығуларды үйде…
Күтім косметикасының ішінде патчтар — бұл теріні реанимациялау кезіндегі жедел жәрдем. Арнайы…