Жаңа ұжымға қалай cіңісіп кетуге болады?

Жұмыстың алғашқы күнінде  қобалжып, уайымдау қалыпты жағдай.  Сізді «Ұжымға қалай сіңісіп кетуге болады?», «Жұмыстағы жаңа ұжымда өзімді қалай ұстауым керек?», «Жаңа ұжымға қалай қосылуым керек?» деген сұрақтар мазалауы мүмкін. Эмоцияларыңызды түсініп, осы мақалада талқыланатын пайдалы кеңестерге құлақ асуыңыз маңызды 🙂 Қазақстандағы жұмыс туралы ақпарат OLX хабарландырулар сервисінде қолжетімді.

Қашықтан жұмыс істеу қазіргі заманның болмысына енді. Ұжыммен онлайн форматта танысу таңғаларлық жағдай емес. Дәстүрлі кеңседен басты айырмашылығы, виртуалды әлем, әсіресе үлкен топта өңсіз болып көрінеді. Ондай жағдайды болдырмау үшін жиналыс кезінде өзіңізді әріптестеріңізге таныстырудан тартынбаңыз немесе жұмыс чаттары, электрон мекенжайларына хат жіберу арқылы өзіңіз жайлы мәлімдеңіз. Сондай-ақ әріптестермен күнделікті өзара араласу маңызды, соның арқасында сіз корпоративтік мәдениетті, сленгті және жалпы ұжымның жұмыс істеу стилін жақсы түсінесіз. Ол үшін қашықтағы әріптестермен тұрақты байланыста болу ұсынылады, олармен аудио немесе бейне қоңырау арқылы 10-15 минут бейресми түрде сөйлесіп көріңіз.

Көп нәрсе бірінші жұмыс күніне байланысты: өзіңізді қалай көрсетесіз, жаңа әріптестеріңізге қандай әсер қалдырасыз және т.б. Компания басшылығы сізді ресми түрде таныстырғаны дұрыс. Көбінесе, бірінші күні көбісі қысылып, қобалжиды, жатсынып, өзін басқалардан аулақ ұстайды. Бұл қалыпты жағдай. Мұндай сценарийлерді қайталамау үшін кеңестерімізді орындауды ұсынамыз:

• жаңа әріптестермен танысыңыз, жұмыста жиі араласуға тура келетін қызметкерлерді есте сақтаңыз;
• барлық жұмыс мессенджерлері мен топтарына қосылғаныңызға көз жеткізіңіз;
• жұмыстағы міндеттеріңіз, еңбек тәртібін және т.б. көрсетілген құжаттарды сұраңыз;
• қандай да бір жағдайлар туындаған жағдайда сұрақтар бойынша кімге жүгіну қажет екенін біліп алыңыз;
• компания ғимаратында түскі асқа барыңыз, бұл бейресми жағдайда әріптестермен жақынырақ танысудың тамаша жолы.

Әрбір компанияның жұмыс стилін, қызметкерлер арасындағы қарым-қатынас стилін анықтайтын өзіндік корпоративтік мәдениеті бар. Ұжыммен жұмыс істегенде әріптестермен ортақ тіл табу маңызды. Ұжымның көңілін қалай табуға болады? Келесі көрсетілген тілдесу және қарым-қатынас жөніндегі кеңестердің сізге пайдасы болуы мүмкін:

• әріптестерден көмек сұраудан қорықпаңыз, қажет болған жағдайда өзіңіз де көмектесіңіз;
• эмпатия танытып, қамқор болыңыз;
• орнымен белсенді болыңыз: революциялық жоспарларыңыз бен идеяларыңызды жүзеге асыруға асықпаңыз;
• бейтараптық позициясын ұстаныңыз: ешбір жақты жақтамаңыз, қызмет орнындағы өсекке араласпаңыз;
• өзіңізді табиғи қалпыңызда ұстаңыз, ешкімді  жалықтырмай, шынайы болыңыз.

Жаңа жердегі жұмыс көбінесе сынақ мерзімінен басталады. Одан сәтті өту үшін ең басынан өзіңізді жақсы көрсеткен жөн:

– атқарған жұмысыңыз жайлы пікір сұраңыз;

– өз ойыңызды нақты айтыңыз;

– міндеттеріңізді, әріптестермен бір-біріңізді дұрыс түсінетініңізді нақтылаңыз;

– жұмыс тапсырмаларында белсенді болыңыз;

– сұрақ қойыңыз;

– тапсырмалар мен оларды орындау мерзімдері үшін жауапкершілік алудан қорықпаңыз.